Franz Theodor Doflein

dr Franz Doflein (1873–1924), us Hesse 1924

Dr Franz John Theodor Doflein (* 5. April 1873 z Paris; † 24. Augschte 1924 z Obernigk, Schleesie) isch e dytsche Zooloog gsii. Näbe sym Hauptaarbetsbiet, dr Protozoekund, het er si mit sischtematischer Zoology un funkzionäller Ekology vu dr Dier bscheftigt.

Lääbe

Dr Franz Doflein het vu 1893 bis 1898 z Minche un z Stroßburi Natuurwisseschafte studiert, en noohaltige Yyfluss uf en het do vor allem dr Ludwig Döderlein ghaa. In dr Zyt vu sym Stuudium isch er Mitgliid vum AGV München im Sondershäuser Verband woore. Ab 1901 het er an dr cheenigli-bairische Zooloogische Staatssammlig Minche gschafft, wun er ab 1902 unter em Inschtitutsvoorstand Richard Hertwig glaitet het. Anne 1906 isch er zum Mitgliid vu dr Leopoldina gweelt woore. 1912 isch er Noofolger vum August Weismann am Leerstuel fir Zoology an dr Uniwersiteet Fryburg woore un schließli anne 1918 Noofolger vum Willy Kükenthal z Breslau. Sy Assischtänt Otto Koehler isch zue aim vu dr Grinder vu dr Ethology z Dytschland woore. Dr Doflein het verschiideni uusdeenti Foorschigsraise unternuu (Mittelamerika, USA: 1898; Chiina, Jaapan, Ceylon: 1904–1905; Makedoonie: 1917–1918). Noohaltig wiichtig isch unter anderem s Ergeebnis vu syre Sammelaarbet z Jaapan (1904), wun er vor allem us dr Sagami-Bucht ryychhaltig Materiaal vu Meeresdier uf Minche zruggbrocht het.

Rekonschtrukzion vu dr ekoloogische Faunegmainschaft am Grund vu dr Sagami-Bucht us Doflein (1914)

Sy Lehrbuch der Protozoenkunde isch s eerscht umfangryych Leerbuech uf däm Biet gsii, wu s Wisse zämegfasst het. Im zweete Band vu Tierbau und Tierleben (uusegee zäme mit em Richard Hesse) het er dr Mänsch in syni Bschauige iber ekoloogischi Zämehäng mit yybrocht. In syne Raisebschryybige Ostasienfahrt (1906) oder Mazedonie (1921) het s näbe aigene Aquaräll, Zaichnige un Fotografie biologisch bzw. zoologisch un au zytgschiichtlig inträssanti Informazioone zue Land un Lyt.

Schrifte un Wäärch

• Lehrbuch der Protozoenkunde – eine Darstellung der Naturgeschichte der Protozoen mit besonderer Berücksichtigung der parasitischen und pathogenen Formen. Fischer, Jena 1906.
• mit em Richard Hesse: Tierbau und Tierleben in ihrem Zusammenhang betrachtet. 2 Bände. B. G. Teubner, Berlin/Leipzig 1914. (2., überarbeitete Auflage 1935/44)
• Der Ameisenlöwe – eine biologische, tierpsychologische und reflexbiologische Untersuchung. Fischer, Jena 1916.
• Von den Antillen zum Fernen Westen. Reiseskizzen eines Naturforschers. Jena 1900.
• Ostasienfahrt – Erlebnisse und Beobachtungen eines Naturforschers in China, Japan und Ceylon. Teubner, Leipzig/Berlin 1906. (Digitalisaat)
• Mazedonien – Erlebnisse und Beobachtungen eines Naturforschers im Gefolge des deutschen Heeres. Fischer, Jena 1921. (Digitalisaat)

Literatuur

• Georg Uschmann: Doflein, Franz. In: Neue Deutsche Biographie (NDB). Band 4, Duncker & Humblot, Berlin 1959, ISBN 3-428-00185-0, S. 40.
• R. Hesse: Franz Doflein. Nachruf. In: Zoologisches Jahrbuch – Abteilung für Anatomie und Ontogenie der Tiere. 47, 1924, S. 190–211.
• K. Frisch: Geheimrat Prof. Franz Doflein †. Nachruf. In: Ostdeutscher Naturwart. Jhrg 1925 (1), S. 1–7.
• C. Eckert, D. Janussen: Die Glasschwämme der Sagami-Bucht und ihre Erforschung. In: Natur und Museum. (Frankfurt) 135 (5/6), 2005, S. 105–116.

Weblink

 Franz Theodor Doflein im dütschsprochige Wikisource

• Literatur vu un iber Franz Theodor Doflein im Katalog vu dr Dütsche Nazionalbibliothek
• München Zoologische Staatssammlung München (ZSM)

Fueßnote

Dä Artikel basiert uff ere fräie Übersetzig vu dere Version vum Artikel „Franz_Theodor_Doflein“ vu de dütsche Wikipedia. E Liste vu de Autore un Versione isch do z finde.